Kva er vitsen?

Tittelen på denne boka, Kva er vitsen?, har dobbel botn – nett slik som mange av dei djupe, lune, barnslege, underfundige, morosame og alvorlege vitsane og historiene som Ingar Ranheim samla gjennom livet. Han vaks opp i Ranheimsbygde ovanfor Fagernes i Valdres og hadde stor sans for den gode historia som mange bygdefolk kunne fortelja på ein meisterleg måte. Desse historiene og vitsane hadde han stor glede av, og ved å fortelja dei vidare håpa han at historiene kunne få fram smilet hjå mange andre.